Plantun de Prouvènço

Pèr coumpara dos planto d'encò nostre

Lycium barbarum & Huperzia selago

Arnavèu-blanc(-de-Barbarìo)

Lycium barbarum

Solanaceae

Autre noum : Bouissoun-blanc.

Nom en français : Lyciet commun.

Descripcioun :
L'óurigino éuroupenco d'aquest arnavèu-blanc èi discutido. Sèmblo pèr la maje part planta. Es un aubret que fai de flour vióuleto sus de ramo retoumbanto e espinouso. Lycium europaeum a de flour palinouso e d'espinasso alor que Lycium chinense fai de flour mai larjo e porto ges d'espino.

Usanço :
Emai li fueio e li fru sarien manjadis (F. Couplan, op.cit. p. ) cue, soun subretout li fru que soun utilisa en medecino tradiciounalo chinese emé lou noum de "goji". Soun proun anti-óussidant e manja pèr faire dura d'alòngui la vido (paradis terrestre di taouïste). Èi vertuous contre un fube de malautié : anti-cancerous, bon pèr lou cor, contro l'ipertesuro, l'iperglicemìo, lis artèri tapado...

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Lycium
Famiho : Solanaceae

Ordre : Solanales

Coulour de la flour : Vióuleto
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à setèmbre

Liò : Sebisso - Bartas - Baragno
Estànci : Termoumediterran à Coulinen
Couroulougi : Óurigino Asìo-Èst
Ref. sc. : Lycium barbarum L., 1753

Licoupode-sabino

Huperzia selago

Lycopodiaceae

Noms en français : Lycopode sabine, Lycopode dressé.

Descripcioun :
Lou licoupode-sabino trachis dins li relarg séusous de mountagno, majamen li champino à rousage. Es uno planto sènso flour que douno d'èr à-n-uno grosso mousso mai duro e redo. Li fueio poungnento que sèmblon à li de la sabino soun touto à l'entour de la tijo. Lis espourange se vèson l'estiéu à la baso di fueio. La planto èi proutejido sus listo roujo, categourìo LC, es à dire soucit minour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 3 à 15 cm
Fueio : 1,5 cm
Tipe bioulougico : Camefite
Cicle bioulougico : Planto renadivo

Gènre : Asplenium
Famiho : Lycopodiaceae

Ordre : Lycopodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 600 à 2600 m
Aparado : Noun
Juliet à avoust

Liò : Champino - Roucas - Relarg à rousage - Tourbiero
Estànci : Mountagnard à Aupen
Couroulougi : Bourealo
Ref. sc. : Huperzia selago (L.) Bernh. ex Schrank & Mart, 1829 (= Lycopodium selago L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lycium barbarum & Huperzia selago

ges

Coumpara Arnavèu-blanc(-de-Barbarìo) emé uno autro planto

Coumpara Licoupode-sabino emé uno autro planto